LIGURIA - CANZONI POPOLARI/FOLK

Avéivo acatòu 'na bèlla seiçénto,
a l’andâva velôce ciù fòrte do vénto.
Ve cónto 'n pö a stöia de cómm'a l'é andæta
che 'n çìnque menûti me l'àn sùbito fæta.

Prìmma ve dìggo o mestê che mi fàsso,
comìnso a dêx’ôe, mezogiórno so' 'n stràsso,
véndo a söda lescìvia e savón
e de palànche ne fàsso 'n vagón.

Sciù e zu pe-o pòrto co-a motociclétta,
con polegrìnn-a, spasétta e pagétta,
goâgno di mùggi de monæe da çénto
e me vén coæ de catâme a seiçénto.

Làscio a màchina davànti a 'na pòrta
me gràtan sùbito a rêua de scòrta;
a spòsto ciù 'n la, int'ina vîa làrga,
apénn-a gîo l’éuggio me frêgan a tàrga.

Arîva i tedéschi: «verbotte versciure»
e me fàn fêua cìrca mêzo motôre;
ciàmmo i ingléixi pe caciâli vîa:
se màngian tùtta a caroserîa!

Pàssa 'n figeu con doê bèlle figìnn-e
o me svîa tùtte e lanpadìnn-e.
Ànche mæ fræ pe curâse l'angìnn-a
o fa fìnta de nìnte o se màngia a bobìnn-a.

Pe vixitâlo arîva 'na mêga
e o radiatô a l'istànte a se frêga.
Pe rispètto a-a scénsa stàggo quêto.
Lê a n'aprofìtta: fa fêua o tapêto.

Ma chisà cöse credéivan ch'a fôse:
a l'êa 'na seiçénto mîga 'n pandôçe!
Vàggo a denoçiâ tùtto a l'istànte.
Àtra sanpâ: m’àn xatòu o volànte!

O mæ portinâ ch'o l'é çénto chìlli
o s'asétta drénto e o me sfónda i sedîli
e seu mogê ch'a l'é tùtta finéssa
a s'apòggia davànti: adîo parabréssa.

Pöi arîva a fìggia. Che signorìnn-a!
Con quàttro susoìn a me sciûga a benzìnn-a.
Pàssa 'n legêra con 'na brùtta mìcca:
'na mêza dentâ o me rozìggia a marmìtta!

Vàggo pe câxo a trovâ mæ coxìn.
Ghe trêuvo in câza croscòtto e pistoìn.
Gh'é restòu quàrche tòcco li da-o marciapê:
o métto inta còrba e o pòrto a-o strasê!

I
Tant'ànni son pasæ da quéllo giórno
che són dovûo partî pe andâ a emigrâ
credéiva de no fâ mâi ciù ritórno
ma a nostalgîa a m'à fæto ritornâ
ma Zêna dôv'a l'é a mæ Zêna antîga
e seu borgæ ciù bèlle dôve són...
Zêna, çitæ d'incànto
se mi te cànto l'é perché te véuggio bén
a l'é za anæta drîta
che fra e teu cöse gh'é restòu ancón Stagén
Dôve o saiâ o Balìlla
Castéllo Ràggio, Picaprîa e Pamatón
Zêna t'ê tànto bèlla
Ma t'êi ciù bèlla quànde Zêna a gh'êa ancón!
II
'Na vòtta a Sàn Michê e da Natâle
andâvimo a Cônâ fìn da-o matìn
a sentî cantâ e squàddre e confrontâle
e scialapâse un bón gotìn de vìn
ma dôve l'é Sarzàn, Portöia e Quàrto
Sàn Chîgo, Stùrla, Séstri e Paisción
Zêna, çitæ d'incànto
se mi te cànto l'é perché te véuggio bén
a l'é za anæta drîta
che fra e teu cöse gh'é restòu ancón Stagén
Dôve o saiâ o Balìlla
Castéllo Ràggio, Picaprîa e Pamatón
Zêna t'ê tànto bèlla
Ma t'êi ciù bèlla quànde Zêna a gh'êa ancón!
III
Voriéiva un pö savéi se a-a Pasquêta
se va ancón in Cianderlìn a-o Mónte a pê
se a-o Bèlvedêre gh'é ancón l'òstaiétta
se pe andâ-a Goàrdia pàsan pe-i sentê
Voriéiva sentî ancón parlâ zenéize
ma specialménte da-i nòstri figeu
Zêna, çitæ d'incànto
se mi te cànto l'é perché te véuggio bén
a l'é za anæta drîta
che fra e teu cöse gh'é restòu ancón Stagén
Dôve o saiâ o Balìlla
Castéllo Ràggio, Picaprîa e Pamatón
Zêna t'ê tànto bèlla
Ma t'êi ciù bèlla quànde Zêna a gh'êa ancón!

O l'ëa partio sensa ûn-a palanca,
l'ëa zâ trent'anni, forse anche ciû.
O l'aveiva lottou pe mette i dinæ a-a banca
e poèisene ûn giorno vegnî in zû
e fäse a palassinn-a e o giardinetto,
co-o rampicante, co-a cantinn-a e o vin,
a branda attaccâ a-i ærboi, a ûso letto,
pe daghe 'na schenâ séia e mattin.
Ma o figgio o ghe dixeiva: "No ghe pensâ
a Zena, cöse ti ghe vêu tornâ?!"

Ma se ghe penso alloa mi veddo o mâ,
veddo i mæ monti e a ciassa da Nonsiâ,
riveddo o Righi e me s'astrenze o chêu,
veddo a lanterna, a cava, lazzû o mêu...
Riveddo a séia Zena illûminâ,
veddo là a Foxe e sento franze o mâ
e alloa mi penso ancon de ritornâ
a pösâ e osse dov'ò mæ madonnâ.

E l'ëa passou do tempo, forse troppo,
o figgio o l'inscisteiva: "Stemmo ben,
dove ti vêu andâ, papà?.. pensiemo doppo,
o viägio, o mâ, t'é vëgio, no conven!" -
"Oh no, oh no! me sento ancon in gamba,
son stûffo e no ne posso pròprio ciû,
son stanco de sentî señor caramba,
mi vêuggio ritornamene ancon in zû...
Ti t'é nasciûo e t'æ parlou spagnollo,
mi son nasciûo zeneize e... no me mollo!"

Ma se ghe penso alloa mi veddo o mâ,
veddo i mæ monti e a ciassa da Nonsiâ,
riveddo o Righi e me s'astrenze o chêu,
veddo a lanterna, a cava, lazzû o mêu...
Riveddo a séia Zena illûminâ,
veddo là a Foxe e sento franze o mâ
e alloa mi penso ancon de ritornâ
a pösâ e osse dov'ò mæ madonnâ.

E sensa tante cöse o l'è partïo
e a Zena o gh'à formóu torna o so nïo.

Era partito senza un soldo,
erano già trent'anni, forse anche più.
Aveva lottato per mettere i denari in banca
e potersene un giorno venire in giù
e farsi la palazzina e il giardinetto,
con il rampicante, con la cantina e il vino,
la branda attaccata agli alberi a uso letto,
per darci una schienata sera e mattina.
Ma il figlio gli diceva: "Non ci pensare
a Genova, cosa ci vuoi tornare?!"

Ma se ci penso allora io vedo il mare,
vedo i miei monti e piazza della Nunziata,
rivedo Righi e mi si stringe il cuore,
vedo la lanterna, la cava, laggiù il molo...
Rivedo la sera Genova illuminata,
vedo là la Foce e sento frangere il mare
e allora io penso ancora di ritornare
a posare le ossa dove ho mia nonna.

Ed era passato del tempo, forse troppo,
il figlio insisteva: "Stiamo bene,
dove vuoi andare, papà?.. penseremo dopo,
il viaggio, il mare, sei vecchio, non conviene!" -
"Oh no, oh no! mi sento ancora in gamba,
sono stufo e non ne posso proprio più,
sono stanco di sentire señor carramba,
io voglio ritornarmene ancora in giù...
Tu sei nato e hai parlato spagnolo,
io sono nato genovese e... non mi mollo!"

Ma se ci penso allora io vedo il mare,
vedo i miei monti e piazza della Nunziata,
rivedo Righi e mi si stringe il cuore,
vedo la lanterna, la cava, laggiù il molo...
Rivedo la sera Genova illuminata,
vedo là la Foce e sento frangere il mare
e allora io penso ancora di ritornare
a posare le ossa dove ho mia nonna.

E senza tante cose è partito
e a Genova ci ha formato di nuovo il suo nido.

Bellô te Quartô bellô ô l’è ô mä
Côn piaxei se mettiemô a canta

Quartô a-ô mä cô-a tö spiaggia ridente
Da levante da ponente
Cô-i sö schêuggi gremii de gente
De bagnanti n’a gran quantitæ
Cô-i sö gôzzi a batisse daô mä
Sôtta e prue gh’è e côbbie a cantä

Quartô t’e bellô tra i mônti e ô mä
Cô-a têu lunn’a ch’a fa incantä
Dai Mille ô schêuggiô vixin a stradda
Tante côbbie gh’è van a sôspiä

Baxi e lamenti vegnan daô mä
Quande l’e l’ôa de dôveise lasciä
Bellô te Quartô bellô ô têu mä
Côn piaxeì se mettiemô a cantä

D’an terassô na vista eccelente
Da levante da pônente
Gh’e chi zeôga a treisette e-a scôppetta
Chi fa a brisca e chi zeôga a scôppôn
Intræ dentro a piggiane in gottin
Se demôiemô da seia a mattin

Quartô te bellô tra i munti e ô mä
Cô-a têu lunn’a ch’a fa incantä
Dai Mille ô schêuggiô vixin a stradda
Tante côbbie ghe van a sôspiä
Canti e lamenti vegnan daô mä
L’ostaia dô Rôssô a l’è fæta pe amia

Bellô te Quartô bellô ô l’è ô mä
Gh’é n’a lunn’a cà va a tramôntä

Bello sei Quarto bello è il tuo mare
con piacere ci metteremo a cantare

Quarto al mare con la tua spiaggia ridente
da levante a ponente
con i tuoi scogli gremiti di gente
di bagnanti una gran quantità
con i suoi gozzi in riva al mare
sotto le prue le coppiette ad amoreggiare

Quarto sei bello tra i monti e il mare
con la tua luna che fà incantare
allo scoglio dei Mille vicino alla strada
tante coppie ci vanno a sospirare

Baci e lamenti vengono dal mare
quando è l’ora di doversi lasciare
bello sei Quarto bello il tuo mare
con piacere ci metteremo a cantare

C’è un terrazzo con una vista eccellente
da levante a ponente
c’è chi gioca a tressette o a scopetta
chi fa briscola e chi gioca a scopone
entrate dentro a prenderne un bicchierino
ci divertiremo dalla sera al mattino

Quarto sei bello tra i monti e il mare
con la tua luna che fà incantare
allo scoglio dei Mille vicino alla strada
tante coppie ci vanno a sospirare
canti e lamenti vengono dal mare
l’osteria del Rosso è fatta per guardare

Bello sei Quarto bello è il tuo mare
c’è una luna che và a tramontare